August 4, 2008
-
星期六 又去大浪灣 終於有屬於自己的滑浪板喇 Thank You朋友仔轉讓給我 仲有得分期 哈哈～～！ 今日落水試新板 大浪到想嚇死我．．．．．． 好在後尾有個Uncle好有心機咁教我地 終於0係佢幫助下起到喇 佢好有心機教左我地好耐．．． Thank You!!
玩完 全身無力 想死咁滯 不過仲去左打邊邊 一打就十二點 不過一大班人 一路睇港男 一路打邊邊好開心呢～～～！！
星期日 雖然攰都唔想起身 不過都同亞峰入左大浪灣 後尾阿Sa入埋黎搵我地 比起尋日 今日無咩浪 但係就好多人 多人到我唔敢出 我怕撞死人 又怕比人撞死 希望快ｄ玩熟塊板 如果唔係我怕冬天唔敢落水呢．．．
玩完過左apm食飯 食完逛左陣 又企左0係度睇人唱歌 哈～～ 玩到屋企 電腦都無開 咩都無做就訓左覺 真係攰到想死！！
星期一返工 成日遊雲 精力仲未返黎 好多野等住我做都未做 OT到八點 同左老細／法國佬／Iris／Eric去九龍城食潮州野 九百蚊隻凍蟹真係同老細一齊先會食 其實都無咩特別啫．．．哈哈
Recent Comments