February 1, 2009
-
年廿八 同成班朋友食團年飯 有Zizi/史/Pat/Bow/Wai/妹/Zoe/Eddie 去左TKO打邊邊 跟住一齊睇＜游龍戲鳳> 咁Sweet既戲竟然係一班人睇囉 哈哈哈～～～ 不過我覺得OK 當中又有句對白令我流淚了 我要努力執多D玻璃碎!!
年廿九 八日新年假期開始～～～！！ 下畫出左MK同妹食飯 跟住買相機 再Join Pat/Bow/Wai睇＜奇幻逆緣＞
年三十晚 訓左成日之後出左去同小明食飯 去富臨打邊邊 打完行花市又太多人 唸住去睇戲 點知山長水遠由MK行去TST先知無飛賣
大年初一 悶左成日0係屋企 夜晚同屋企人出深水埗打邊邊 之後過MK 原本約左Gloria飲酒 最近都係上左Pat度打牌 又玩到第朝食早餐
年初二 尋晚先決定返大陸 同細佬兩個人返去逗利是 呢三日兩夜之旅飲酒多過飲水 兩晚都去左蒲 咁岩細佬班fd又0係廣州 咁就一齊蒲 兩晚都朝早七點先訓 訓左四個鐘又起身去親戚度 Lunch又飲酒 Dinner又飲酒 蒲又飲酒 宵夜又飲酒．．． 每餐都係酒．．． 最終搞到我無左把聲三日．．．
年初五 夜晚同小明去深水埗打邊邊 再過TST飲酒
年初六 同Charis行街TST 夜晚同峰食飯 再夜D同小明睇＜家有囍事＞ 真係爛片一套．．．
年初七 入BWB 今日坐左架老爺開縫車入去 感覺好爽～～！！ 落水好凍．．． 所以好快上水．．． 好似好耐無同我塊板溝通喇 有D距離添．．． 哈哈～～！！ 下次唔知會幾時再入去 因為要返Part Time 黎緊無時間玩喇．．． 朋友們要失陪一下喇 下星期開始 就是工作工作再工作．．．！！
Recent Comments