14/1　出MK搵小明　未夠鐘之際上細佬度剪左個頭髮　唸住上去hea時間　點知佢因為太多人既關係　極速同我剪完個頭　搞到我hea唔耐．．． 今日打左個平既邊爐　不過D野真係唔好食囉～～～！！　

15/1　收工同小明睇赤壁　之後去左北角食地鍋雞　下次一定要中辣　辣野真係好好味～～！！

17/1　出MK同小明食Lunch　之後同阿妹行街　再上左阿妹度睇碟　再打左八圈．．．　又輸錢．．．　得我一個輸囉又．．．　

18/1　訓醒同BaBa Mami飲茶　之後自己行左陣MK　就同Grace佢地去J-Point Tea　又玩Pictionary　笑死左．．． 之後返屋企團年～～

21/1　收工出左MK見Part Time　突然想搵PT　一黎因為太窮　二黎突然加強左錢對我黎講既重要性．．．　唔知咁樣係咪一件好事．．． 見完工　同左阿峰食飯　唔洗排隊既半價一壽司　呵呵～～～

22/1　收工過左九龍灣運動場跑步　0係魔鬼教練既篤束下完成左操練　哈哈～～　跑左50 min．．．　但係之後即刻去食壽司囉．．．　睇黎似增肥喎我地　用最快時間食壽司　因為約左表哥佢地行維園花市　一向對行花市不大興趣既我　但係年年都會行　皆因我個人太無聊　同埋身邊太多朋友鐘意行花市～～！！

不過呢年行花市行得好認真呢　雖然都係咩都無買　不過都幾開心　我想買桃花呀　見人地拎住果D好靚　可惜去到已經無晒喇～～！！

行完　仲去左食糖水　坐下傾下　又三點先返屋企～～！！　

5/1　睇戲with妹－非誠勿擾　睇完好鐘意呢套戲　它帶給我一點感動

6/1　睇戲with Lok－Twilight　入TKO睇　不過$30睇套戲好抵　套戲都OK既　開頭有少少悶　個主角又未至於好靚仔　第一次同Lok哥兩條友去睇戲　好搞笑　通常我地都係一大班人好熱鬧架嘛　哈哈哈

7/1　跳舞 @ MK

8/1　跑步with Grace & Lo@九龍灣運動場　之後去左食糖水

9/1　跑步with Grace & Lo@深水埗運動場　原來旺角大球場係不對外開放的　所以我地唯有另覓地方去左長沙灣

10/1　請左假跟去玩越野單車　七點幾已經起身　一行九人　康哥帶隊　很不幸一開始Grace已出意外　炒車了．．．　由達達到Lo陪她去醫院　餘下我地六人繈續行程　眼見身旁的高手上落如理平地一樣．．．　型到呢．．．
今次多數都係石屎落山路　所以難度不大　但上斜還很吃力　所以我都是推上去　哈哈哈～～！　踏著單車衝落山感覺真爽　很喜歡它給我的速度感　但有時轉彎也有點怕　一不小心就會炒落山呢．．．　

中途跑進山林中練習落梯級　可惜我在落鈄波時已炒車　沒膽量再挑戰梯級．．．　

玩完夜晚過元朗Join返Grace他們打邊邊　最喜歡一班人打邊邊　今次還要坐在街頭　很有風味！　吃完飯各散　遺下我／Lo／達達／蘭子　我隨意說了一句　"很想返大陸揼骨"　沒想到他們也和議我　我們四個就往落馬洲出發了　哈哈哈！　朋友們　多謝你跟我一樣的即慶～～～ Yeah～～！！　他們還因為返大陸放棄了翌日的行山行程　哈哈～～！

揼完骨快四時多　翌日睡到十一時左右就去吃東西　吃完達達先走　我們三人繼續逛逛　再去按腳　哈哈　六時左右回港　原本約定晚上跑步　可惜昨天的單車已耗盡我體力　所以還是回家了．．．

1/1　訓醒無無聊聊搵左阿鋒去CWB行街　食飯　好耐無認真行街　什至CWB更耐　呢個行街partner都唔錯　幾少男仔咁有心機行街．．．　哈哈哈！　後尾小明出埋黎一齊睇戲　睇<大搜查之女> 　仲要之前hea 0係麥記等開場　好耐無做過D坐0係度等時間過既野．．．　呢個配搭去睇戲都幾搞笑　返到屋企又三點

2/1　收工　過新蒲崗跳舞．．．

3/1　shopping @ TST & MK with Charis　好耐無同Charis行街喇　不過我地好似唔係好習慣shopping咁　行左一陣就嗌攰　可能係無買野既原故　後來開始有野買就精神晒　仲行到成十點幾先食飯添．．．哈！
之後過左寶勒巷同小明同佢D朋友飲晒．．．　都唔好玩既．．．

4/1　入BWB　個幾月無入過喇　原因呢個幾月太多camping活動　不過今日入去係充當攝影師　仲叫埋阿妹入去添　第一次拎起部大機．．．　真係拿手唔成世．．．哈
等佢地玩完就去左食羊腩煲

22 Dec　Iris生日唱K　玩玩玩　飲飲飲　點幾走人

24 Dec　 公司X'mas Party 下午已經飲到個人wing 左．．．　好在夜晚去Cafe　唔使飲酒啫夜晚個非一般Cafe P　超Crazy　玩埋落街　哈哈～　玩到兩點幾去食糖水就走人

25 Dec　上左皓度開P＋預祝瑋生日　其實．．．　咪又係賭．．．　由下晝玩到零晨四點幾　hea多陣搭第一班地鐵返屋企

26 Dec　上Debby度打邊邊　Nicole Bday　玩Pictionary 超爆笑　我個partner超弱27 Dec　夜晚跳舞　之後成班食飯　再食糖水

30 Dec　期待已久既假髮派對@W Hotel　專登為呢個Party　拎埋聽日假　預左玩死佢　收工過去見到佢地化緊妝　即刻覺得自己個造型好迅色　佢地真係十個勁　玩到天光先訓左陣　張床訓到我地5個人呢　之後落樓下食埋個早餐　就check out

31 Dec　返屋企hea左陣　原本唸住訓覺　但最尾同左小明出去食Tea　之後同Debby佢地睇戲食飯　再同細佬過天輝飲酒　

咁就完結左我既08年．．．　希望我既不快樂會隨住08年完結．．．

星期二　九點幾出左去左做Gym　之後出TST等小明收工打邊邊　食完都兩點幾lu　飽住咁訓．．．　好辛苦．．．

星期三　收工出太子跳舞　之後食左少少野就返屋企

星期四　收工跟達達佢地去警察會跑步　原來．．．　我D體能真係幾差下　跑幾個字就想死　佢地non-stop咁跑左一個鐘　我就行下跑下咁hea左一粒鐘　攰爆了　之後一齊食飯　

星期五　收工同Lok/Sze/史/妹　去有骨氣打邊邊　之後join左Sa姐同佢班fd飲酒　成三十個人我只係識一個咋下．．．　玩到點幾再同小明過棉登徑再飲過

星期六　收工即刻返屋企訓覺　無出過街

星期日　晨早七點幾起身去行山　第一次跟Grace/Lo佢地行山　今日由東涌行上360　行左四個幾鐘　勁多梯級．．．　想死．．．　再行耐D真係命都無　上左寶蓮寺食斎！　食完lunch就同康佢地落返東涌　Grace/Lo佢地就繼續行程　行去大澳．．．　強～～！！

星期一至四收工都返左屋企食飯 超乖呢~~~

星期五 同Charis行CWB 好耐無行過街喇... 之後入西環拎睡袋 再出返TST同小明睇戲 睇<地球停轉日> 悶到訓著覺...

星期六 一行十七人既大浪西流星雨露營出發~~~~
四點幾食完野搭的士入吹風坳 再行半個鐘入大浪西 呢個天氣行都OK 入到去就開始準備我地既邊爐Dinner 又食左幾粒鐘...
之後開始我地既Beach Party 錄左好多Video 扮Visa廣告 超無聊... 拍完我今日先睇返真正果個廣告~~~ 哈哈哈~~~!!! 拍完Video 跟住玩跳舞 又玩耍盲雞 咩都玩一餐 最尾圍埋傾計... 又開始講鬼故 想嚇死人咩... 因為個月亮太光 睇唔到星星... 唯有玩啦... 我一粒流星都睇唔到呀!! 人地準備左好多願望架嘛!! 激氣!!
三四點就訓覺 我地無人帶營 十七個圍圈花型各自0係睡袋度訓 個埸面都好壯觀下... 就好似十七條木乃衣咁~~~!! 哈哈哈~~!!

星期日 朝早... 太多雲... 睇唔到日出... 睜開眼睇唔到 又再訓過... 哈哈哈 八點幾起身 食早餐 之後又開始活動... 玩數字球... 閃避球... 0沙灘做瑜珈... 做按摩~~~ 跟住就向四疊潭出發 又要攀石喇... 上到去 睇達達/Grace/蘭子既十米高台跳崖表演~~~ 正!! 仲吸引左圍觀人仕添 哈哈~~~ 超堅!! 之後收拾行裝食埋個豆腐花就行返出去... 上返山... 呢條路真攞命... 行左九個字... 行完覺得自己個pat pat實左... 哈哈哈~~~!!
咁好精力既佢地 當然未玩夠喇 之後搭車出MK唱K 0係K房仲要狂跳舞~~~~!! 玩到十一點左右我走先 去左同小明食野 之後就返屋企... 攰死人喇~~~!!!

星期五　同Ying / Fa / P.Yi / B食飯　返屋企hea左陣先出去　去左TST食德國野　第一次食德國餐廳　幾特別～～

星期六　東龍島兩日一夜Camping　人生第二次既露營　今次一行十八人　好有氣勢呢～～～　哈哈哈！　入到去第一時間起營　今次熟手好多　完全無難度　之後就開始玩我地既煮飯仔　一路煮一路食　當然我係負責食啦　哈哈哈　呢餐飯由六點開始食到十點幾．．．　加埋糖水　十二點幾．．．！！　不過佢地煮左三／四煲飯　得一煲食得　有D唔係燶左　就生骨．．．　不過最勁就係由生骨飯變咖哩飯　再變意大利飯．．．　勁呀！！

食完個長過法國菜既Dinner之後　一心黎個歡歡樂樂既營火會　柴支早已準備　可惜俾隔離幾個Uncle抄wo左　好心同埋佢地玩　點知佢地0係度講鬼故　仲要講去Camp既鬼故　最終我地散下一個散下一個散開晒　哈哈　

跟住吹水吹到兩點幾　訓覺既訓覺　其中我同Lo/Grace/達/Yan/June　六條友兩點幾拎埋睡袋行上山唸住上去吹水等睇日出　訓0係山腰望星星　好靚　好多星星　仲見到三粒流星添　都算係第一次見到流星　好開心呢～～　但係三次都許唔切願．．．　慢慢大家都訓著左　好在．．．　都仲起到身睇日出　我唸呢個日出應該未算靚　好期待一個美麗的日出～～

七點幾先返入營訓覺　訓到十點幾起身食早餐連Lunch　又食到十二點幾　開始執拾行裝　再行左陣山　0係崖邊行山　好緊張呢．．．　

搭四點船走　咁就完成左東龍島之旅　開心開心　真係好難得咁大班人一齊去Camp　好開心呢年夏天識到熱愛戶外活動既佢地　令我試左好多之前未玩過既野　好Good呀！！

出返黎　返屋企沖個涼就同小明出TST　睇戲　食飯　飲酒．．．　一日之內玩到好盡　真係要俾個勁自己　哈～！　本來只係唸住食餐飯　點知時間尚早就求其搵套戲睇　睇左<狼牙>　都幾好睇　如果吳京係一個靚仔會更好睇　之後食韓燒　飽死左！　兩條友再去飲酒　本來話坐一陣　點知又玩到兩點幾三點　

星期二　收工上細佬度整頭　搞左兩粒鐘　差Ｄ訓著．．．　好眼訓　返屋企沖完涼飯都無食就走左去訓覺　基於今日個Lunch太飽喇　同Zizi去左MegaBox食

星期三　收工同小明食Pizza　終於同佢食飯唔係打邊邊喇．．．　哈哈哈～～　食完我就去跳舞　跳完返屋企

星期四　同Zizi/史/Pat/妹食赤丸　食完我去做gym　佢地就去睇戲．．．　呢排食咁多野　要做返多D運動先得

上星期三　Simpson同Gloria同我補祝生日　三條友去左唱K　初頭話食K Buffet算啦　點知佢地忍唔住都係要嗌酒．．．　當然我又無拿拿成為Target啦．．． 跟住過左稻香同B/Ying/P.Yi打邊邊　食到成點　Gloria撩我過返去唱K　加埋佢D朋友　最終玩到三點　都OK開心丫～～

星期四　為下星期六既露營作出準備　所以成班出去睇裝備　不過．．．　我咩都無買到　哈哈哈～～　行完街　一行十人去打邊邊．．．　之後　過廟街同小明食糖水　返到屋企又兩點．．．

星期五　好乖地返屋企食飯．．．　不過又係打邊邊

星期六　我既生日BBQ Party~~~　去左大欖燒野食　多謝你地既麻雀蛋糕　其實我一D都唔爛賭囉！！ 食完野　打牌．．．　因為太凍　打唔夠四圈就投降　下次都係book返房好D！！

星期日　十二點幾起身入BWB　落水hea左個幾鐘投降　一黎太凍　二黎今日D浪玩唔到．．．　所以拉大隊走人　仲要0係十九度既天氣下沖凍水涼．．．　攞命！！　沖完個人凍到出旺角囉　即刻上Cali焗個燊拿再黎個熱水涼．．．　爽呀！　之後過去跳舞　時間岩岩好　跳完舞同左小明去寧記打邊邊．．．　食到好飽呢～～！