上星期三　收工　跳舞　之後同Edmond/大細孖/中女/阿強佢地過廟街食煲仔飯　同佢地食飯真係好好笑　笑死左　食完飯行過MK食糖水　沿途0係彌敦道行catwalk　又0係發記跳舞　呢D咁好笑既朋友真係唔知去邊搵～～～　哈哈哈～～～！！

上星期四　收工同Pat / Bow / 妹食飯　之後去Gym

上星期五　去左Kennis 生日BBQ Party　有31個人　好熱鬧　不過我淨係識幾個．．．哈～～ 之後同Edmond/朱屎/中女 佢地去左雀會打牌 又第朝先訓

上星期六　訓左一個鐘 返工 收工同鋒入BWB　入冬之後就得返我地倆個孤兒仔　今日好堅　我地走左過石澳玩　最堅係玩完拎住塊板著住Wetsuit行返大浪灣　條路都真係唔野少　如果真係認真玩完　應該唔會再有力拎住塊板行返去　
之後　出返MK跳舞　之後同Edmond/茱屎食飯　跟住過TST同波比／小明飲野　不過．．．　唔見得開心．．．

上星期日　下晝同左潔心舊同學High Tea　大家都變左　靚左好多　哈哈～～～　不過講野都係同以前一樣　坐左兩個鐘就走　之後同Joey行左陣TST　再出返MK出席大家為我搞既生日Party
呢次．．．　完全佢地秘密行事　唔知去邊度食　又唔知有咩人會出席　最終原來上Cafe玩　好開心呢～～　多謝每位出席既朋友～～～！！

星期一　呢日拎左假　原本．．．呢日假留左俾一個人　不過　最後都係自己過．．．　平時連一個人行街都唔鐘意既我　呢日選擇左自己一個入大浪灣滑浪　本來入去之前心情好差　但入到去見到陽光普照既海　心情平伏了　
今日　個海得幾個人　無人同我迫　又唔怕撞到人　個個都係自己入去　不過得我一個女仔　同埋得我一個玩得咁屎．．．　由兩點幾　玩到五點幾　之後沖涼出返MK　不過到MK又上Cali再沖過　仲焗埋桑拿添　爽！　之後約左B/Edmond/茱屎/Shan食飯　食御家　跟住又去左食糖水
收到小明電話話去飲酒　所以又出左TST　一個只係見到兩次面　同埋傾過一晚MSN既朋友　睇在佢係某人既好朋友份上　所以出左去陪佢　實情我係想吐料　傾左好多野　佢自己既野．．．　同埋某人既野．．．
呢晚．．．　我知道左個秘密　一直．．．　都被瞞騙著．．．　可以選擇不相信嗎？！　過去了．．．　開心的．．．　不開心的　都應該過去罷了！　不值得流的淚流得太多　是時候結束了！！

星期四　收工去左新蒲崗跳舞　早收工　仲有時間食埋個飯添～～～

星期五　Bow話為左慶祝Pat & 妹既第一個happy firday　所以上左Pat屋企食野　好多野食　食唔晒　食完仲睇左<內衣少女>　原來大家都好想睇　點知睇完．．．　O左咀．．．　哈哈～～！　不過唔緊要啦　幾個人一齊圍住睇電視都幾開心丫～～～

之後出左綿登徑Join波比飲酒　差唔多五個月無見喇．．．　唔知下次見又係幾時呢．．．　

星期六　收工又係BWB　之後牛陣again

星期日　BWB again　

好耐無打xanga......

上星期二　成班去左apm睇<Saw V>　比想像中無咁驚　不過由於無睇一至四集　其實都唔係太知講咩．．．

上星期三　六點閃人　0係六點至八點呢段時間　上左細佬度剪頭髮　快速地剪完個頭　之後去左跳舞　完全一分一秒都無浪費

上星期四　收工無無聊聊同Gloria去左大角咀食油渣面　再無無聊聊衝上佢屋企睇碟　租左隻<saw IV>迫佢陪我睇　哈哈～～！　之後落樓下食糖水　返屋企

上星期六　一行十一人　過左澳門　去左威尼斯人　再去新葡京食Buffet　之後又返威尼斯人賭錢　不過我無賭　因為好窮　再賭再輸埋就大獲　即日來回　返到屋企都兩點　

第朝六點幾　入左BWB　不過唔知係咪唔夠訓　無力．．．　朝早D浪又唔好　中午好D既時間　我又因為太眼訓0係沙灘訓左覺　最終曬燶左塊面　三點幾走人返屋企

返屋企即訓．．．　訓到食飯　食完飯再訓．．．　訓到第朝返工　超勁～～～　哈哈～～～！！

星期一　同Charis行街街　無收獲

星期二　同Zizi行街街　由頭買到落腳　勁～～～　買生日禮物俾自己　張單會搵班好姊姊找數　多謝先～～！！　哈哈～～！！

星期五　OT到九點幾　出TST搵Ying食飯　佢係我唯一一個朋友同我一樣OT到天昏地暗　所以我地兩個可憐蟲相約食飯　仲行左陣街添　幾開心丫　去左寧記打邊邊　飽死左　

星期六　又係BWB　玩左好少時間　皆因太多人　唔敢玩　所以都係hea下算數　坐0係石度人滑浪都唔錯　晏D少人D先再落左陣水

之後同阿峰去左apm食牛陣　聽人講就聽得多　自己食都係第一次　都唔錯既　

食完行左陣　見到patrick咁岩唱完歌　就join左佢地去食糖水　頭先餐飯都未落格又食過　

之後上pat屋企鋤dee　不過玩到四點左右　我已經頂唔順　好眼訓　佢地就睇電視　我就0係度瞌眼訓　真係唔知點解坐0係度都訓得著　六點落去食早餐跟住返屋企　

星期日　訓左兩粒鐘就入大埔　因為約左Grace/康/Vanus/Cindy　飲完茶玩wakeboard　今次船家康哥Free俾我地玩　開心到不得知了　約一點入到三門仔　一個對我黎講不知名既地方　之後上大船放低D野就出發　又玩到太陽落山了～～　每個人既wake技都有進步　全靠康哥呢個地獄教練　哈哈哈～～　而家我轉到180 lu　仲可以連轉幾個添 wakaakaa　好開心呢．．．

之後一齊去左大埔墟街市食飯　當然由我地羅漢請觀音報答康哥啦　呢餐飯食得好開心　聽左康哥好多既故仔　真係可以用一個奇字黎形容　勁到不得了．．．　

星期一　經過尋日個特訓　今日成身肌肉都痛　由背脊到大腿　仲要連pat pat都痛　咩事呀？！　唔通我個pat pat太少運動．．．　wakaakaa　收工同老儀過荷李活食飯　發現到間新野　唔錯　唔錯

星期日　Grace + Lo推介的飛毯船河團終於出發喇　呢次應該係今年夏天最後一次喇　今次八成人都識架　唔錯唔錯～～！！　可惜頭號飛毯Game　玩左幾次就漏氣　玩唔到添　好在仲有其他新奇Game　
俾船家玩我　玩"W"飛左落水之後　一爬返上張毯度就開船　我當時係掉轉左向後囉　一百個驚～～～　不過好玩！！　今日玩左 "W"之外　仲有 "葡萄適"　同蕉　可惜wake唔到．．．　真係玩到天黑先起撈開船　抵晒！！

其實有D不太盡興　可能是心情影響吧．．．

星期一　一早收到Grace好消息　船家話星期日Free隻快艇俾我地玩Wake　因為尋日有人未玩晒　－　即係我．．．　wakaakaa~~~~~　原來最後一次船河仲有餘溫　好開心　又可以玩多次！！

星期二　同Bow去左睇Pat　之後又同埋Alan/Janet食飯　食左兩個鐘　皆因佢地話題不絕　但絕非吹水咁簡單　吸收到我平時唔會去留意既野

星期三　出太子上Edmond堂　之後成班一齊食飯　每次同佢地食飯都好好笑　

星期四　收工同茱屎去做gym　好耐無人陪我做gym喇　睇黎我要勤力D先得　就快變成豬喇

星期六　約我的　始終沒赴約　個多小時前來電通知　那不算是爽約嗎？！
由星期一　你致電相約的一刻開始　心情很複習　
雖然跟自己說不要抱太大期限　
但得知你失約　腦內空白了十數秒　再滴下了兩滴眼淚
錯．．．　就錯左我太在乎你．．．　太在乎你這個人

我也很想學朋友一樣的說一句 "我放棄了"
可惜．．．　"我放棄不了"
我知道　早是該放棄的時候　但原來我仍然沈迷著

被爽約的我　仍然去了沙灘　只有滑浪才能分散我一點注意力

星期三　收工過太子上Edmond堂　我唸有成三年無跳過舞喇　再上返堂　感覺都幾開心　跳舞無可否認都係一件開心既事　

星期四　OT到七點幾　去左淘大同Bow/Pat/Wai/Lok食吉野家打邊邊　咁岩　一星期前先食完　又係星期四　食完出左去做Gym

星期五　OT OT OT.... 十一點幾走

星期一 　OT到九點　之後去左揼骨　經過尋日同D浪博鬥後　周身肌肉都好痛　所以相約Gloria去揼骨　同行仲有發仔同Joey　揼完十一點幾返屋企

星期二　七點幾走人　因為好頭痛　做到唔想做　出左去睇左陣Patrick做show　之後一行十人食飯　第一次同Alan/Janet食飯　一圍檯充滿各樣的話題　感覺幾得意

星期日　晨早六點鐘起身入BWB　食埋早餐　八點幾落到灘　見到D浪好似打風咁　所以坐0係岸邊觀察左陣　出到去以我既技術都係玩唔到　得個坐字同個潛字　仲差D撞石身亡　哈哈哈～～～

十點幾　大家睇黎都放棄左咁　就沖涼出CWB食野　之後過左灣仔買Wetsuit　試左好多件　試到好攰　0係果度玩左成粒幾鐘　最終都揀到喇

之後過細佬度整頭　隻色由琛仔一手包辦　無添加意見　因為永遠揀完隻色出黎都會有差別　咁不如唔揀喇　哈哈哈～～～　染完剪埋七點幾　返屋企食飯　hea左陣就訓覺　突然覺得呢D早睡早起既生活好健康