星期六　收工飛入西貢　同Lok/Debby佢地遊船河＋釣墨魚　呢次應該係呢個夏天既第五次喇～～～

今次玩得幾融洽　唔錯唔錯　今日玩左一轉Wake　出奇地進步左　仲好好彩咁轉到板黎左個180　oh～～～　好興奮呢～～～

釣墨魚呢part無咩點參與　不過見佢地一個二個0係度chok下chok下都幾搞笑　好在都有十零條食下

埋岸之後去左食發記　呢日都算過得唔錯丫

星期一　收工過藍田同Bow/Pat/Lok食飯　之後上Pat度鋤Dee　呢次真係鋤Dee長途賽　由九點幾玩到四點幾　頂唔住　之後走左去打炸彈人　差唔多六點　落去食個早餐　之後返屋企執衫入BWB

無訓過走去滑浪　玩左一陣無心機　玩唔到　唔識玩呢D浪　

兩點幾走人　出左去食Lunch　之後返屋企訓死左　八點幾食左少少野又再訓過　訓到第二朝　咁就過左個重陽喇

星期四　同Sze食Lunch　夜晚又同Sze食吉野家打邊邊　食完飯　返番公司做野　做到一點幾．．．

Sze Sze就黎見我多過見阿史喇　似同我拍拖多D　哈哈～～～～

星期五　繼續OT到點幾　公司對面開左間OK　對我黎講應該係好事　OT買野食都唔洗行咁遠

星期二　收工同左史／Sze／瑋／Bow／Pat食飯　餐飯食左都幾耐下　講返童年　講以前睇既卡通　食既零食　最後發覺原來史提芬係無童年既．．．．．． Wakaakaa~~~~~

星期三　妹&皓的生日BBQ Party　去左大欖　仲book埋個有冷氣貨櫃打牌／鋤dee　由下晝四點玩到人地打烊一點　勁．．．　咁多個鐘不停食不停食　個肚就快爆了

星期五　又上左pat度玩　我仲山長水遠　去左發記買糖水上去食　想食左好多日喇～～～　本來話上去打機　最尾都係鋤dee　俾樂哥贏晒我ｄ錢！！　下次一定要報仇！！

星期六　收工無無聊聊過左灣仔同Charis飲茶　皆因0係唔方便既日子　落唔到水　不過飲完茶自己都走左入BWB　自己無得玩　唯有睇佢地玩啦　坐0係度　望住個海　都幾舒服　等佢地玩完上水一齊食飯　食完飯仲好早　就出左CWB行街食糖水

星期日　同baba mama飲茶　本來唸住今日呆0係屋企　點知原來阿Sa佢地都無入BWB　最後同左Sa/巴里/鋒出左去灣仔睇Wetsuite　不過仲未揀到．．．　再買唔到　我實凍死於海中　哈哈哈
夜晚　上左Edmond間新屋打邊邊　環境唔錯　個View都好正　原來有自己間屋係一件好開心既事　不過呢個目標離我太遠喇　玩到一點先走　佢班朋友真係好好笑　哈哈哈～～～

星期五　收工同Sze Sze入左TKO街市買餸　炮製一餐打邊邊　街市呢個地方　對上一次都唔知係幾耐之前既事　哈哈．．．　我／Sze／史／Lok／Bow／Pat　食完野就打左四圈　之後黎鋤Dee　我鋪鋪牌都好靚架　靚到佢地O晒咀　哈哈～～～～　勁～～～～！！

星期六　入大浪灣 今日D浪好癩　玩左陣唔敢玩lu　都係睇表演好過　十點幾同Edmond食生日飯　同埋佢D朋友一齊食　果然成班都好好笑．．．　哈哈哈～～～！！　

星期日　九點Sa姐morning call入BWB　今日D浪好D　岩我玩D　不過就超多人　玩左兩粒鐘上水　之後都係曬太陽　因為已經撞到周身瘀　隻手仲好痛添　扒板都有難　莫講話要追浪　
夜晚　同左LoLo/Grace　出TST行街食飯

星期日　去左遊船河　呢個夏天第四次喇　都算係最唔好玩既一次　落船已經有意外　隻船上左一半人就開船囉　搞到我地0係碼頭無拿拿等多左半粒鐘　咩事．．．．．．?!

上到船　D人．．．　唔好提喇．．．　今次泊大浪西　個灘幾靚　首先wake返轉先　不過我被遺棄同兩個Uncle一隻艇囉　好尷尬．．．　不過佢地都幾堅架　起碼Jump到先啦　成機睇表演　哈哈～～！！　我都偷到少少師．．．

食完野　走左去灘影相　無耐又起撈回巢lu　上返碼頭　去返上次果間食泰國野

星期一　阿Sa撩睇戲　八點收工就出左去　同Sa/峰/巴里仔　四條友一齊睇鬼片　初頭以為自己最細膽　點知．．．　果兩個男仔睇到嗌晒咁　驚過我十倍　哈哈　搞到我都唔知應該驚好定笑好　其實我都好驚架～～～

食完去左食糖水就返屋企

星期二　又打風喇　不過今次六點先掛八號　有鬼用咩！！　即慶同左B/Edmond/Joyce/Shan食飯　專登約都無咁齊人呀　原來大家要打風先得閒既．．．　食完飯又去左食糖水　

跟住Join Sa／峰／巴里　又無無聊聊hea左陣　都真係幾無聊　哈哈哈～～！

星期四　心血來潮收工走左去同Ying食飯　日日收咁夜　好苦悶　所以過左TST搵佢食飯　傾左陣計　感覺唔錯　開心返少少．．．

星期五　我阿姐同老細都唔0係度　終於可以舒舒服服清下未做晒既野　六點即閃　皆因要同表哥食飯　仲有細佬同肥仔　去左九龍城食泰國野　好飽呢　hea左陣　出返MK做Gym　見到茱屎．．．嘻～～！

星期六　成兩點先收工　入到大浪灣都三點幾　LoLo今日買左塊板　好野　又多個人陪我玩　又有人share locker　無浪都玩到成七點　之後同班滑浪朋友仔一齊去食飯　

星期六　收工飛入西貢　今次跟Grace佢地去露營　好緊張呢　第一次去Wild Camp～～～　一行十二人　　好熱鬧　巴士再轉船入去灣仔營地　去到即刻問左句　"咁銅鑼灣係咪0係隔離～～～哈哈～～"　落左船行五分鐘路已經想死　因為拎住好多野．．．　

去到第一時間學點樣紮營　都無咩難度丫　之後hea下hea下就去預備晚餐　呢晚打邊邊　坐0係草地圍住圈打邊邊都幾好feel　甜品仲有2個mini cheese cake賀一賀兩位壽星女　之後就玩Killer啦　食零食　飲紅酒～～～　好嘆呢～～　仲可以訓0係度賞月　

中途加插　四女子遇牛記　隻牛想摷我地D野食　仲踩lup左我地個煲蓋　好在當時我唔0係度　我怕我真係嚇死左　仲會嗌到全個營地D人都醒晒　哈哈～～～！！

大家都俾隻牛嚇到無咩心情玩遊戲　最終返晒去訓覺

未天光　又俾D牛噪醒幾次　最終七點幾起身　佢又偷我地D野食喇　掛0係樹上都搶　無良心　食左我地D面包　搞到我地早餐要斎食罐頭　好在仲有公仔面啫　否則我實殺左你隻死牛！！

食完早餐 hea hea下　執拾行裝　準備過海下灣　行左半個鐘左右就到　雖然揹住個大背囊　都未至於好幸苦　佢地去左浮潛　我就睏0係舊大石上面聽歌食媽咪面　都不知幾寫意～～～　哈～～！！

行程最後　搭返van仔出西貢運動場洗白白　再殺出MK　cafe到LoLo食生日飯　

好耐無上cafe　玩左好多好耐無玩既game　哈哈　都幾開心丫

星期日　起身又入大浪灣　又無咩浪　曬完太陽就出返apm食飯　行街　之後返屋企即訓　無電喇我～～～

星期四　八點收工　同Bow/Pat仲有新朋友仔去唱K　竟然唱到點幾　勁勁勁～～～！！　呢個新朋友仔　好似Patrick呢　哈哈～～～　行為唱歌都似似地　有佢地0係度　洗咩唱丫　聽就已經夠啦～～　哈哈～～！！

星期五　收工返屋企做節　仲唸住早D返屋企可以早D訓　咪又係咁晏先黎打xg　哈～～～

謝謝你的說話．．．　我會學習放下．．．

星期三　Lunch同左Pat/Sze/Wai飲茶　呢餐茶飲左$75　好貴呀呢個Lunch！！　不過同朋友仔飲茶係開心既　夜晚　又十二點先走　家陣好似返朝九晚十二　究竟咩野事？！　不過．．．　都好既　無咁多時間唸埋D無謂野．．．　成日OT　同事櫃桶D餅就快俾我食晒lu　哈哈哈～～～　

星期六　收工自己入大浪灣　皆因朋友們都入晒去　又掉低我　仲要入到去換晒衫0係個灘度搵唔到佢地囉　都不知幾無奈　個灘已經唔係人多　都唔知去晒邊．．．　行返上士多唸住食野之際　幸好抬頭瞄到Thomas咋　之後走上去一齊食野　唔洗自己食咁可憐

玩完出左去陪LoLo同翔翔睇行山野　成間鋪頭Ｄ野對我黎講都幾新奇　哈哈　勁多問題～～～　行完街　即慶約腳打牌　又過妹度　今日有我／妹／史／樂　打到成五點　之後食麥當當早餐再返屋企　

返去訓左兩個鐘　就要返公司　返到公司再訓過　等阿峰睏醒就入沙灘　阿樂都一齊入去　雖然睏得幾個鐘　但係又唔覺眼睏　玩完仲食飯行左陣添　不過一返屋企就撻落床睏到不醒人仕　哈哈～～～

星期一　Ｄ野又無做極都做唔完　八點收工　皆因同老細／法國佬去打邊邊　好飽呢～～～～～～