星期三　Lunch約左Sze&瑋食飯　有朋友0係附近返工真好　但被SzeSze發現我雙眼腫了　醜死怪．．．
晚上　跟百通吃生日飯　風月堂　等左個幾鐘　我就去左行街街　要壽星仔等位　唔好意思呢～～　哈

壽星仔．．．　你今日一句說話令我唸通左少少野　　

點解生日禮物會有隻紙鶴　見到隻紙鶴　又唸起好多野　我屋企都有一千隻　不過無人欣賞　為他做了太多傻事　幾時我先識醒？！

後來　收到Gloria電話撩飲野　Lady Nite唔洗錢　點都要去下既　雖然佢一個fd我都唔識　但係都玩到三點幾　仲玩到過隔離檯　利害利害

星期四　Gloria玩完返唔到工　我就無佢咁渣　照樣返工　收工仲出TST雀會打牌　感覺去雀會打好爛賭呢　打到一點　輸左房租　第一次玩電動洗牌機　好新鮮　又真係幾方便　岩晒我D懶人～～　呵～～！

星期五　尋日咁早走　今日又做到PK　結果十二點幾先收工　都唔知為咩　收工幾個鐘　又返工．．．　咩事?!　

星期二　十二點先收工　咩事　幾時變得咁勤力？！　真係好多野做　做到想喊咁滯　仲要嗌野食都黎錯左．．．　有無咁黑仔呀？！　

獨個兒留在公司　感覺很可憐　收音機還播著慘情歌　思緒又混亂起來　

星期五　十點先收工　收工join史／Sze／Lok佢地睇Patrick個Show　用左$90去支持朋友仔　十一點開show　比預期中好睇　皆因除左一首<搬屋>之外　其他都唱晒佢地自己既歌　好專心咁聽　好專心咁留意多多寫既詞　ROM Good Show！！

星期六　收工又入大浪灣　玩左兩粒鐘就走　皆因阿Yan果邊有多張今晚EO2既飛　佢話帶我入後台所以先睇　哈哈　由一開始搞黎搞去　到開show果日最終都係去睇！　謝謝阿Ming帶我進入VIP區　企位　好好feel　周遭都有Artist圍著　仲見到暗地裡一直覺得好靚仔既黃浩然！！　真係好得！！　哈！　身邊又圍著一班跳舞界朋友　真係台上台下都一樣精彩～～～

個Show　好好睇　跳舞好睇唔在講　仲有感動位　最深印象就係Osman彈琴果Part　同埋對住佢女朋友唱Forever Love果刻　好Sweet好感動　可能咁岩佢女朋友又企正係我前面　正正食中佢D眼神．．．

完Show　Eric家姐帶我入後台同Eric影相　突然覺得自己好fans　其實我都唔太至在張相既　只係想Say聲Hi啫　0係裡面撞到簡生　傾左陣　之後Join埋佢地個after party　不過首先出去食轉野先．．．

簡生架bB又令我唸起波比之前既說話　我坐到呢款車喇可惜唔係屬於你的　成班食完野又返九展　一玩就五點　之後再返Nasa　音樂＋啤酒　直至中午十二點　謝謝你為我播出幾首陳春的舊歌　我都很久沒聽了　有點感動．．．

基本上這個星期六很Amazing~~!!

尋日終於上細佬度整左頭　個頭fade out到無論　想整左幾日　就唔到時間　要就細佬時間　仲要就埋琛仔時間　因為佢上色比較有信心　

星期四　收工同Charis　又食大盛　飽到嘔　今日唔記得帶iPod　都好既　無歌聽　無咁易觸動我既情緒　我唔想再行行下都滴眼淚 

又鬧反了　每次都是這樣　不夠數天　就鬧反了　我真的這樣討厭嘛？！
為何你要在我傷口快痊癒的時候再次出現．．．
看來我的傷口是永遠不會痊癒了．．．
重覆又重覆著　沒完沒了．．．
很迷惘　很迷惘．．．　我知道應該理智點
但人總是沈迷的　總是沈迷著一些錯的東西裡

又哭到很頭痛　為何近來哭都有頭痛的感覺　很討厭！！
每當失意時　就很想去旅行　去紋身　去穿環　去喝酒
好像只有旅行比較正面一點　可惜．．．　我太窮困了．．．

明知 懷舊換不到勇氣
然而若要 放下你 如行過赤地
何妨天真 想想 總有日可再一起
離別幾千天 當做嬉戲

＊＊宏願　你又令我釋放了不少淚水

星期天　最終都去了曬太陽　十二時多Gloria叫我一齊去曬　但聽到淺水灣就推掉了　但是她兩時多再叫我去　佢話　今日好好太陽　你真係唔去呀？！　就係咁　我改變了主意決定跟Gloria　用了十五分鐘超高速換衫執野　跟住過彩虹　發仔揸車車我地入去　同行仲有發仔個fd　不過入到去無位泊　等左成粒鐘　我地好衰咁走落沙灘先　哈哈～～～　曬到六點就沖涼走人　

跟住上Gloria度hea左陣　再過山林度食日本野　可惜他們呢餐飯真昂貴　因為加多左塊牛肉乾～～　還謝謝他們送我回家　整天也當上了人家的電燈謄　嘩哈哈～～～　

又再次溝通起來　不想問自己的真正想法．．．．．．

宏願是大到這樣細　再與你入戲院
離開假使只因性格　性格任你選
奇蹟假使一生得一次　這晚讓我抱回這份暖

天晴的星期天　獨自留左家中發呆　外面天朗氣清　可惜我心中下著雨　　

星期四　夜晚同雯雯食飯　之後同Lo佢地唱K　知道第朝打風　即將約唱K　哈哈哈～～～！！

星期五　果然打風　不過當我正準備入大浪灣既時侯　竟然收到通知要返公司．．．　個人即刻灰左！！　不過無得揀　但當晚聽新聞有個人被巨浪捲走左　幸好自己要返工．．．

三點搞掂閃人　上妹度同Lok/Sze打牌　打風唯一活動　哈～～！　打完牌落去食麥當當　今日食左兩餐麥當當　食到想嘔．．．　

星期六　收工自己搭車入大浪灣搵LoLo佢地　入到去條路無咩人　又冧晒樹咁　仲有好多警察同蛙人．．．　感覺好差　好唔開心咁　

不過今日D浪好Good　成個灘既人都係滑浪　無晒D浮床阻住　好Good~~~!　不過0係我地玩得好開心既時間　見到出面D蛙人哥哥　同直昇機0係到搵緊人　好似好大對比．．．　其實應該唔開心至係．．．　

玩得果兩個鐘就上水　皆因要出返CWB同Charis食生日飯　唔夠喉呢　好唔捨得今日D浪呀～～～

夜晚食魚一丁　食到十一點幾　去唔到Lok & Bow既生日飯局　不好意思呢　但之後都上左Pat度玩　今回唔打牌　改鋤dee　七個人鋤dee　哈哈哈～～～　我同Lok一Part　輸得得最多　俾Eddie贏晒　又玩到四點幾．．．．．．

星期五　十一點先走　勁多野未做　收工仲要去睇醫生　皆因聽日同小胡子同佢同事去船河　佢補貼我一半當然要射下波啦

星期六　健身教練船河團出發　果然質素不俗　仲要多仔仔　哈哈～～　叫埋Grace/蘭子一齊去　不過最衰無咩影相啦　可惜可惜！！　原來有人生日．．．　無切蛋糕改劈西瓜　仲有Vodka + Mr. Juicy．．．　好耐無飲喇　so good～～！！　今日出海wake左兩粒鐘　第一次船河無人爭wake　仲終掌握到少少　咁大浪都起到　佢地話算唔錯喇！！
夜晚　0係西貢同小胡子佢地食泰國野　之後同Grace去左Desmond Bday Party　由九點玩到五點　勁！！

本來應承左阿峰同阿Sa第朝九點入大浪灣　點知．．．真係起唔到身　十點先起身自己入去　可能好早入去　今日好似好多時間咁　慢慢嘆個Lunch　本來唸住入去可以好好訓下覺　點知曬到訓唔到　又無浪　都唔知可以做咩．．．　最終拎塊板划左出防沙網　第一次出去　好緊張呢．．．　仲好攰　

之後我地６個一齊出左去防沙網吹水　仲癲到猜枚囉　成日划左三次來回　攰死人．．．
夜晚　又去左可樂BBQ