星期六　尋日開始已經病病地　唸緊收工去唔去沙灘　但係已經執晒野呀下！！　哈～～！！　最終都係去左先算　最多頂唔住咪0係沙灘訓覺　LoLo佢地短週入去先　好在有亞峰亞Sa佢地同我一齊搭車　入到去又好似精神左　玩完夜晚即興BBQ　病都BBQ真係無得頂　玩玩下又十一點幾先走

星期日　同B & Lok去石澳　討厭既石澳　曬左個幾鐘　終於忍唔住轉場　搭的的去返大浪灣　點知撞到肥仔．．．　其實我唸我應該大方D　會有報應既．．．　後來峰& Sa 都入左黎　咁當然落水玩板啦　雖然無浪～～～　哈哈～～！！　我又追極都追唔到浪　咩問題呀究竟．．．．．．？？！！

夜晚同B姐去左apm行街食飯　好耐無行街喇～～～～　不過仍然係無錢買野

星期四　放左日假　今日返去又做到仆街　Lunch同Sze食飯　做野做到好唔開心　可以同朋友食飯係一件開心既事　出去兜左圈　又返去地獄度．．．　點解人地返工可以返到扮有野做　而我就每日做足八個鐘都唔夠時間？！

下晝．．．　收到你電話　一百個意外　對上一次你打俾我有無三個月呢？！　不過你既專屬鈴聲已經由昔日既<撤嬌>　變成現時既<情戎>喇　都係果句　維持朋友關係已經心滿意足！！　

星期三　八號風球　放左日假　入左大浪灣　本來同阿峰起身講過下入去　但係最尾怕無車就否決左　點知Grace佢地又撩起　最尾我／Grace／Lo／蘭子同阿峰決定入去　0係筲箕灣轉的士　入到去　D浪大到呢．．．　密到呢．．．　又亂到呢．．．　拎住塊板都唔敢落水　我都係企係岸邊遠觀左陣　後尾見Lo同Grace都落水　之後忍唔住都落埋去　不過　最尾都投降　完全係出去都有問題　D浪係咁打返你轉頭　睇黎我仲有排學　其實今日個場面都幾恐怖　哈哈哈～～～！！

玩到六點幾　就出返筲箕灣食印度野　食食下又成十一點先返到屋企　又好攰喇．．．

前幾天　沒接受你的那句對不起
不覺得你犯錯了　感情關係上很難判斷誰是對錯
即使錯了　一句說話是否可以彌補一切？！
如果道歉有用　那要警察來幹嘛．．．？！
但那句對不起　令事情完結得更美
謝謝～～！！

一個月後　今天再聯絡上　這樣已經足夠　
很久沒試過短訊聲響不斷的感覺　
就這樣維持朋友的關係可以嘛．．．？！

星期六　又去大浪灣　終於有屬於自己的滑浪板喇　Thank You朋友仔轉讓給我　仲有得分期　哈哈～～！　今日落水試新板　大浪到想嚇死我．．．．．．　好在後尾有個Uncle好有心機咁教我地　終於0係佢幫助下起到喇　佢好有心機教左我地好耐．．．　Thank You!!　

玩完　全身無力　想死咁滯　不過仲去左打邊邊　一打就十二點　不過一大班人　一路睇港男　一路打邊邊好開心呢～～～！！　

星期日　雖然攰都唔想起身　不過都同亞峰入左大浪灣　後尾阿Sa入埋黎搵我地　比起尋日　今日無咩浪　但係就好多人　多人到我唔敢出　我怕撞死人　又怕比人撞死　希望快ｄ玩熟塊板　如果唔係我怕冬天唔敢落水呢．．．

玩完過左apm食飯　食完逛左陣　又企左0係度睇人唱歌　哈～～　玩到屋企　電腦都無開　咩都無做就訓左覺　真係攰到想死！！　

星期一返工　成日遊雲　精力仲未返黎　好多野等住我做都未做　OT到八點　同左老細／法國佬／Iris／Eric去九龍城食潮州野　九百蚊隻凍蟹真係同老細一齊先會食　其實都無咩特別啫．．．哈哈　

星期三　收工同阿妹食飯　咁岩佢0係隔離座見工　如果見得成又多個朋友仔0係左近lu～～～　食完出左朗豪坊睇Patrick出show　今天只剩下二人的ROM　有點特別．．．　但都唱得好好呢～～～！

本來今日情緒低落　好黑仔　工作不順境　聽完Patrick唱歌好似開朗左　之後自己去左做Gym　跑左半個鐘　無力．．．　仲胃痛添．．．　無鬼用！　之後沖涼換衫返屋企　

恭喜你　考到車牌　
可惜當初你的說過的都不會對現了　
希望你會找個更適合的人坐在你身旁的位置

前陣子　發覺了周遭的朋友　兜個圈都會碰到認識的
如果世界是這樣細　老天爺爺　請問何時我才可以再次碰到他呢？！

星期六　一點準時走　準備我地既樟木頭兩一日夜既生日團　今次主角係Eddie　團員包括Bow / Pat / Sze / 史 / Wai / Lok　我地一行八人隨Auntie出發　今次係上Patrick阿姨間屋度　今日我覺得自己既造型好搞笑　佢地話似小雲　哈哈哈～～～！！　我就覺得似個死0靚仔多D

0係又一城食完野就搭火車出發　上到阿姨度坐左陣　我地就成班出去食飯　今日既晚餐係　－　沙鍋煲　仲有味好特別既冰鎮芥蘭　價錢當然係超值啦～～
食完野　行左陣　佢地買左好多碟返去睇　仲買左好多杯面零食　行完就買宵夜返去食　－　燒蠔　好好味呢～～～

返到去就當然係開檯啦　打牌的打牌　睇碟的睇碟　咁又過左一晚　玩到四點幾　大家一齊覺覺豬

第朝十點幾就起身　我地一齊陪亞瑋食早餐　食完佢就走先　我地無無聊聊去左唱K　超抵　大房都係30蚊人仔一個鐘　平均每人四蚊都唔洗　仲要間房靚架下！！　抵到呢～～～　不過我地唱左兩個鐘就走　唸住去碌Lane　不過唔抵　放棄左！　所以返阿姨屋企hea　

跟住出去食晚飯　食杭州菜　第一次食正宗既杭州菜　好好味呢　同埋D餸好得意　哈哈～～

整體上呢兩日一夜都好開心　雖然好熱同無咩特別野做過　好似去Camp咁　不過有成班人陪我一齊嘻嘻哈哈就足夠了　第一次同佢地外出玩樂　感覺良好！！

星期四　陪Gloria出TST　平時好少會同同事出去行街　多數都係飲酒　今日我地六點收工就出去　"個天仲光架～！ 好開心呀～！"　呢句野同Gloria講左好多次　佢應該覺得我係傻既！　不過　真係感覺好好　做完成日野　仲可以0係有日頭既時候行街　好似一日好多時間用　夏天真係好呀～～！！

同Gloria行完街　去左食小城滋味　食完食左我想食好多日既豆腐花　可惜破滅左我既美夢　呢度既豆腐花超難食　未食過咁難食！！！　搞到呢日有ｄ遺憾．．．．．．

呢個星期　我亞姐放大假　雖然好多野做　晚晚都八九點走　但係感覺唔錯　起碼旁邊無個人催住我做野　每叫我做一樣野後面都要加個"快"字　好唔鐘意咁！！　咁多樣野做　樣樣都快　點快呀？！　無左佢呢個星期　好寧靜　我自己搞掂晒就得　唔洗同人交代　就好似佢未黎之前咁　淨係report俾老細知就得　我好想過返以前無人理我既日子．．．．．．

星期日　同Bow/Pat/Lok/史/瑋去沙灘　本來約十點半　點知大家都係懶訓果渣　所以改到十一點　食埋早餐就入去　今日去石澳　去石澳游水都係第二次　因為石澳真係太多人喇．．．　雖然個灘係大D　不過人都多好多喎　呢日0係石澳撞到Gloria同發仔　都唔可以話撞到　佢晨早已經打黎同我講佢去石澳　哈哈～～

得閒過去係Gloria度玩下　之後又過返自己度玩　幾好！　不過　今日真係可以好專心咁曬太陽．．．　唔識上浮床又俾佢地笑．．．　好出奇咩？！　平時我都唔會玩浮床既．．．！！　
不過都係鐘意大浪灣既感覺　去開有感情　個灘細細　個個星期都係果幾張臉　由唔識都變識．．．　曾經0係朋友Blog見到以下既說話　睇完好有共鳴　就係呢種感覺．．．　我鐘意．．．！！

"停滯不前既SKIMBOARD，
不停有高人在旁鼓勵、交流，
好似置身於大同既世界里，
忘記左現實生活扮演既角色，
呢一刻，只是一樣穿著沙灘褲的愛好者”