呢兩日　又未至於好唔開心　係咪盲目左呢　定只係迥光反照？！　呢兩日都ＯＴ到八點幾　公司得返自己一個時侯　竟然望住Ｄ　Box File流眼淚．．．　

重覆又重覆睇返你最後果幾個msg　昔日片段又重現腦海中

想給你時間冷靜一下　希望過後仍然是朋友　這是唯一的願望　

昨晚穿著他的舊衣服入睡　有點想念他．．．　一件對他沒用的衣服　但我反而很珍惜　就因為它是他擁有過的東西　每經過曾跟他到過的地方　腦海的回憶又再湧現

~~ 完 ~~

星期六　依舊去了大浪灣　今天人才仔仔呢．．．　今天的浪不錯　換衫後立即奔到海中　與浪併博了四小時　朋友們都在岸上玩Skimboard　他們都進步了．．．　自己浮游在海中　無論多少人一起來沙灘　好像很多時間都只有自己留在海中心　沒關係罷　習慣了　幸好還有在大浪灣新相識的朋友們陪伴　所以　不太孤單
又玩到損手爛腳　沖涼後　一行六人去打邊邊　邊睇港男邊笑邊食　好開心呢～～～！！

星期日　整天留在家中睡覺　早上本應即慶約了簡生去沙灘　可惜下大雨　所以不了了知了　早知如此　就跟新朋友仔去衝浪好了　可惜睡著了接不到電話呢．．．　聽說今天浪很大　一定很爽吧！！　

29/6
遊船河　第一次咁大雨出海　一生人咩都要試下　不過出到海比相像中好　起碼個天光光地　今次玩Wake都算起到水　我又地影左好多好多相喇　

30/6
同詩食生日飯　去左中海城食泰國野　間野幾好食　個View仲好靚添　最岩兩個人撐檯腳　不過我地就十個人入去嘈爆晒個場　哈哈～～～！　亞Bow講得岩　我地呢班人走埋一齊　無一分鐘係靜既　不過同你地一齊食飯都幾歡樂丫　咩都笑一餐！　餘慶節目當然又係拉大隊上Pat度　打機的打機　打牌的打牌　又玩到五點　之後食完麥當當就返屋企

1/7
十一點起身入大浪灣　今日得我同LO　仲有上次船河識既阿冬　佢帶埋朋友黎　今日好好太陽　去咁多次沙灘最好大陽今次　D水又清　好Good呀今日！！　不過都無咩點黑．．．　算啦　唔黑就唔黑　順其自然．．．　玩Surf　見到上次打排球的朋友們　Join埋左一齊玩　成機問佢Surf既秘訣　知多左　識多左　搞到我心思思想買塊板　不過　都係再玩好D先算啦．．．　玩到七點跟住一齊搭車走

2/7
Agnes生日飯＠意粉屋　一行十一人　不過呢次就唔同前日果十個人咁嘈．．．　哈哈～～！！

25/6
同肥仔食生日飯　當然仲有細佬同亞Ray啦　去食巴西燒烤　都唔知有幾多年無食過lu　果日講開加$25可以任飲啤酒　講講下先走左去食　哈哈～

26/6
收工上葛爺度幫波比買野　之後同佢食生日飯　早左十日食　食之前好驚見到唔知講咩　無買Cake　買左杯mousse代替　買左．．．又驚俾唔到佢　唔知咩時候拎出黎好．．．　呢餐飯感覺比相像中好　仍然有講有笑　不過以往貼心的小動作消失了　對上一次食飯　已經是兩個月前的事吧　送了禮物給他　他的回應　"很貴哩~~"　貴一點也沒關係　這是第一份生日禮物　或許是最後一份　下年不知會否已是陌路人

27/6
不幸地　這天又鬧反了　明明昨天還不錯　為何我總是令人生厭！！

收工跟了詩入寶林配眼鏡　之後加埋Pat & Bow一齊睇＜殺神特工＞　唔覺得特別好睇　仲要無車返屋企　最後0係彩虹行返屋企　唔開心　唔想咁快返屋企　路途中一直想一直想　眼淚又忍不住滴下　
這兩個月　在車上哭　走路時哭　好像已成為習慣．．．．．．

28/6
收工到妹家打牌　有我／妹／瑋／詩／Eddie　忘了打了多少圈．．．　哈　八圈還是十二圈呢？！？！

好耐無打Xanga　都唔係好記得做過D咩．．．

上星期六無去曬太陽　去左行街街　夜晚跟亞Lo同左亞牛佢地食飯　去食韓國料理　之後又係上Patrick度打牌　咁岩0係TST可以Join埋阿樂一齊搭車上去　打到三點幾落左麥記食野　連續兩個星期六都係打完牌落去食麥記　好似想增肥咁款．．．　哈～！

星期日去左沙灘　今日D浪OK　當然要Surf啦　身邊既朋友仔都受我地影響走去試玩　哈哈～～　阿康第一次玩間唔中都企度　都幾勁呢～～！！　

星期三　同左妹／Pat／Bow睇戲　睇魔幻王國　初頭入去唸住睇下個王子有幾靚仔　點知．．．　可能期望過高　好似Peter得D．．．　哈～！

星期四　收工去左搵B姐　點知買左三件衫　今日試左好多衫　玩左好耐．．．　哈～！　其實約左絲／史／瑋佢地食飯　又要佢地等我　繼上次遲收工等左我成粒鐘之後　呢似又係要佢地三個等我　唔好意思呢　哈哈哈～～！　食完飯　佢地去睇戲　我就出MK做Gym　做完Gym 0係屋企樓下見到細佬同肥仔　又坐左過去吹水飲酒．．．　成個街童咁　哈哈哈～～　咁又坐到兩點　唔知咩事．．．

星期五　JoJo生日　唱K　本來得幾個人去變到十幾個　哈哈～～！　不過都玩得OK開心　癩左　唱唱唱　跳跳跳　飲飲飲　玩到四點幾　好似第朝唔洗返工咁　
呢日去之前　去BV走左趟買禮物．．．　用左三份一既糧去買份生日禮物俾一個人　雖然距離佢生日仲有大拿拿十五日！　應該好多人都覺得我好傻　自己都未試過買一件咁貴既野俾自己　仲要我家陣已經係赤貧邊緣．．．　有時真係唔知自己做緊D咩　朋友們～～　如果你地睇到唔好鬧我　就由我任性一次啦！　第一份生日禮物　唔可以求求其其　除非唔買啫　況且送完呢份都唔知自己有無機會再送俾你　下年　會唔會真係變左陌路人？！　

星期六　去左沙灘　去到無耐就撞到Simpson路過　哈哈　又撞到上次打排球果個男仔　閒聊左陣　佢竟然都係係九龍灣返工　仲要同我未搬之前係同一座　唔係咁邪～～～～　哈哈～～！　
有少少浪　Surf左陣　Skimboard呢一part放棄左　玩極都玩唔好．．．　放棄lu．．．　放棄你一排先啦．．．　加上今年夏天玩Surf好似進步左　要繼續努力先得　仲要學下點控制個方向　哈哈哈～～！　
我地幾個都玩到唔捨得走　天黑先走　出到去　食埋飯加吹下水　竟然成十一點　雖然識左Grace呢幾個朋友唔係好耐　不過你地都幾好笑　感覺唔錯～～！